It-Tabib Dott. Louis Anthony Camilleri, bin Sir Luigi Camilleri, jfakkar għeluq il-100 sena tiegħu b’donazzjoni lid-Dar tal-Providenza.

It‑Tabib Dott. Louis Anthony Camilleri, bin Sir Luigi Camilleri, għalaq 100 sena fil‑15 ta’ dan ix-xahar (Ġunju 2023).  Huwa xtaq li għal din l‑okkażjoni il‑familjari u l‑ħbieb tal‑familja jagħtu donazzjoni lid‑Dar tal‑Providenza u nhar l‑Erbgħa, 21 ta’ Ġunju huwa ppreżenta l-għotjiet miġbura waqt quddiesa fil‑kappella tad‑Dar.

It‑Tabib Camilleri, li ħadem ħafna għal snin twal bħala tabib tal‑familja f’Ħal Qormi, jiftakar sew lil Mons. Mikiel Azzopardi, l‑fundatur tad‑Dar tal‑Providenza, meta kienu flimkien membri tal‑Azzjoni Kattolika Maltija.

This post is also available in: English