Inklużjoni fl-aqwa tagħha fil-Kunċert tal-Milied tad-Dar tal-Providenza

Ir-ritratt juri l-atturi kollha tad-dramm “Il-Presepju tan-Nannu”, dramm marbut ma’ żmien il-Milied b’ kitba u direzzjoni ta’ David Muscat. L-għan ewlieni kien li jkun hemm inklużjoni bejn persuni b’diżabilità u atturi oħra stabbiliti fosthom l-attur veteran Joe Borg. Ma naqasx ukoll is-sehem tal-atturi tfal Amy Camilleri u Nathaniel Attard li għal darb’ohra għoġobhom joffru l-ħin tagħhom volontarjament biex jiehdu sehem bħalma għamlet ukoll il-kantanta Gaia Cauchi li kantat il-kanzunetta tal-Milied ‘O Bambin Ħelu’ mis-CD ‘Ħelu Bambin 2’.