Id-Dar tal-Providenza tifraħ lit-tim Malti li wasal sal-quċċata tal-Muntanja Everest

Id-Dar tal-Providenza tifraħ lil Dr Gregory Attard, Matthew Xerri u Douglas Barbaro Sant li rnexxielhom jitilgħu sal-quċċata tal-Muntanja Everest, 8,848 metri il-fuq mill-livell tal-baħar. Sfortunatament, Raphael Fenech Adami, ir-raba’ membru tat-tim kellu jabbanduna l-attentat li jasal sal-quċċata. Fr Martin Micallef, Direttur tad-Dar, jirringrazzja lill-membri kollha tat-tim li daħlu għal din l-avventura iebsa b’risq Id-Dar tal-Providenza. Huma qed jittamaw li jirnexxielhom jiġbru €30,000. Għadek tista’ tagħmel id-donazzjoni tiegħek billi tidħol fil-website www.everest14.com/charity.