Atturi mill-grupp taljan “Il Porto dei piccoli” fid-Dar tal-Providenza

Membri tal-Assoċċjazzjoni Taljana minn Genova “Il Porto dei piccoli” żaru id-Dar tal-Providenza u taw rappreżentazzjoni ta’ kant u mima lir-residenti li laqgħuhom b’entużjażmu u ċapċip. “Il Porto dei piccoli” hija assoċċjazzjoni li s-sena l-oħra għalqet għaxar snin.

Bir-rappreżentazzjonijiet tagħhom il-membri tal-grupp, li huma fil-biċċa l-kbira atturi, jipprovaw inisslu ferħ u jagħtu gost lil tfal li jkunu l-isptar, morda serjament jew għaddejjin minn terapija speċjali u lill-familji tagħhom. It-temi tal-preżentazzjonijiet tagħhom huma ispirati mill-baħar, il-port u n-natura.