Aktar minn €500 minn Fun Walk mill-iskola Primarja tas-Siġġiewi lid-Dar tal-Providenza

Il-Ħadd 24 ta’ April 2016, il-kumitat tal-EcoSkola tal-iskola primarja tas-Siġġiewi (Kulleġġ Sant’ Injazju) immexxi minn Ms Sephorah Sultana, organizzaw Fun Walk fejn inġabru aktar minn €500 b’risq id-Dar tal-Providenza.

Il-mixja bdiet mill-iskola tas-Siġġiewi fid-disa’ ta’ filgħodu u għaddiet mit-toroq tas-Siġġiewi sad-Dar tal-Providenza. Mal-wasla tagħhom, studenti, staff, ġenituri u r-residenti tad-Dar tal-Providenza attendew għal quddiesa mmexxija min Fr Martin Micallef, direttur tad-Dar, fil-misraħ San Giovanni XXIII quddiem il-kappella.

Fi tmiem il-quddiesa, il-kap tal-iskola Ms Natalie Saliba ippreżentat l-għotja li nġabret mill-parteċipanti ta’ din il-Fun Walk li ġiet organizzata għar-raba’ sena konsekuttiva b’risq id-Dar tal-Providenza.